თამარ გაბუნია: საველე სივრცეში კარვები არ გაიშლება
კორონავირუსით ინფიცირებული პაციენტების განთავსებით მიზნით საველე სივრცეში კარვები არ გაიშლება.
ჯანდაცვის მინისტრის მოადგილის თამარ გაბუნიას განცხადებით, გაიზრდება კოვიდსასტუმროების ნომრების რაოდენობა, რომელიც საველე ჰოსპიტალის ანალოგს წარმოადგენს.
“კოვიდსასტუმროების მობილიზების ტემპი იმატებს. არის შესაძლებლობა, რომ კოვიდსასტუმროების ნომრების იგივე რაოდენობა ჩავრთოთ პროგრამაში, რაც გვქონდა ნოემბერ-დეკემბრის ტალღის პირობებში. ვფიქრობთ, ეს რესურსი საკმარისი იქნება იმისთვის, რომ მიმდინარე პერიოდში შემთხვევები იმართოს და ყურადღების მიღმა არავინ დარჩეს. თუმცა რა თქმა უნდა ჯანდაცვის სექტორი და სამინისტრო ასევე მუშაობს ალტერნატიულ გეგმაზე, რისი დეტალებიც დაზუსტდება, თუმცა არ არის საუბარი იმაზე, რომ საველე სივრცეში კარვები გაიშალოს. ნამდვილად არ იქნება ეს ამბავი. სექტორში ჯერჯერობით საწოლების მობილიზების კუთხით რესურსი არის. დაახლოებით 8 000 საწოლია, რაც ჩვენ შეგვიძლია კოვიდის მიზნებისთვის გამოვიყენოთ“,- განაცხადა თამარ გაბუნიამ.
