შოთა ბურჯანაძე: ყველა მრავალრიცხოვანი ღონისძიება უნდა გაუქმდეს
რესტორატორთა ასოციაციის დამფუძნებლის შოთა ბურჯანაძის შეფასებით, ქვეყანაში არსებული მძიმე ეპიდვითარების ფონზე ყველა მრავალრიცხოვანი ღონისძიება უნდა გაუქმდეს.
ამასთან, მისი თქმით, მნიშვნელოვანია ვაქცინაცია, რადგან მდგომარეობა გაუმჯობესდეს.
“მე, როგორც რესტორატორი ვამბობ, ქვეყანაში გვაქვს ორი უკიდურესობა, ერთი მთლიანად გახსნილები ვართ, ან მთლიანად ჩაკეტილები. ოქროს შუალედის მოძებნა გვიჭირს. რატომღაც ყველაფერი ნებადართულია, თითქოს ხალხი გათავისუფლდა იმ მარწუხებისგან, რასაც ჰქვია შეზღუდვებში ყოფნა. ამიტომ, რეალურად ჩვენ უფრო დიდ შეზღუდვებში შევალთ და საერთოდ არც კი დასჭირდება ვინმეს შეზღუდვების გამოცხადება, როდესაც ამ ვითარებაში ვიქნებით, არავის არსად წასვლის სურვილი არ ექნება.
ამ ვითარებიდან გამოსავალია ადმინისტრირება და ყველა მრავალრიცხოვანი ღონისძიების გაუქმება - ეს იქნება ფესტივალები თუ სხვადასხვა ივენთები. არ აქვს მნიშვნელობა, სახელმწიფო თუ კერძო დაკვეთით, ყველა ღონისძიება უნდა გაუქმდეს! მეორე, ეს არის ვაქცინაცია, რომელიც არის ერთადერთი გადარჩენა. ვაქცინა არის საშუალება, რომელიც ამ პრობლემური სიტუაციიდან გამოგვიყვანს“,- განაცხადა შოთა ბურჯანაძემ.
