საზოგადოებრივ ტრანსპორტში უსაფრთხოების კონტროლი მკაცრდება

საზოგადოებრივ ტრანსპორტში უსაფრთხოების კონტროლი მკაცრდება, - თბილისის მერმა შესაბამის სამსახურებს ზომების გამკაცრებისკენ უკვე მოუწოდა.

კახა კალაძის განცხადებით, ყველა რეკომენდაციის შესრულება მკაცრად უნდა გაკონტროლდეს.

"მგზავრობა მხოლოდ და მხოლოდ პირბადით არის ნებადართული, გაკონტროლდეს. მაქსიმალურად უნდა დავეხმაროთ საზოგადოებას, იმ ადამიანებს, ვინც ყოველდღიურად საზოგადოებრივი ტრანსპორტით სარგებლობს, რათა გავუფრთხილდეთ ერთმანეთს, ერთმანეთის ჯანმრთელობას და სიცოცხლის უსაფრთხოებას“, - განაცხადა კახა კალაძემ.

მერმა მერიის სამსახურების ხელმძღვანელებს მოუწოდა, თანამშრომლების მუშაობის დისტანციური რეჟიმი მაქსიმალურად შეინარჩუნონ.  

„38 ახალი ინფიცირებული გვყავს ქვეყანაში. ამიტომ ადამიანები, ვინც შეგიძლიათ, რომ სახლიდან დისტანციურად ამუშაოთ, ამავე რეჟიმში დატოვეთ“, - განაცხადა კახა კალაძემ.

ფოტო: kvirispalitra.ge