საცხოვრებელი უძრავი ქონება გაძვირდა

მაღალი ინფლაციის ფონზე საცხოვრებელ უძრავ ქონებაზე ფასებმა მოიმატა.

საქსტატის მონაცემებით, 2022 წლის პირველ კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.2%-ით არის გაზრდილი, ინდექსის წლიურმა ზრდამ 3.4% შეადგინა, 2020 წლის საშუალოსთან შედარებით კი ზრდა 13%-ს აღემატება.

2022 წლის პირველ კვარტალში წინა კვარტალთან შედარებით გაზრდილია როგორც საცხოვრებელი ბინები (5.4%), ასევე კერძო სახლები (2%).

2021 წლის პირველ კვარტალთან შედარებით ფასების ზრდა ასევე დაფიქსირდა ორივე სეგმენტში - ბინებზე 4.5%-ით, კერძო სახლებზე 1%-ით.

აღსანიშნავია, რომ RPPI-ი მოიცავს თბილისში საცხოვრებელი უძრავი ქონების ბაზარს, როგორც  მრავალსართულიანი სახლების (ბინების), ისე კერძო სახლების სეგმენტს.