საყოველთაო ჯანდაცვის ტარიფების გადახედვა არ ნიშნავს გაძვირებას - გიორგი მინდიაშვილი
საყოველთაო ჯანდაცვის ფარგლებში დადგენილი ტარიფების გადახედვა არ ნიშნავს, რომ პროგრამის ბიუჯეტის გაიზრდება, - ასე უპასუხა „ევექსი ჰოსპიტლების“ გენერალურმა დირექტორმა „ბიზნესპარტნიორის“ კითხვას ჯანდაცვის სერვისების გაზრდილ ტარიფებს რამდენად ეყოფა 2021 წლის ბიუჯეტში გათვალისწინებული 760 მლნ ლარი.
„გამიჭირდებოდა ეს პირდაპირ დამეკავშირებინა ბიუჯეტთან. ტარიფების გადახედვა არ ნიშნავს აუცილებლად გაძვირებას - რაღაც ტარიფები შესაძლოა გაიზარდოს, რაღაც ტარიფები შემცირდეს. მთავარია სამართლიანი ფორმულის და ინდექსაციის მექანიზმის შემუშავება. კიდევ ერთი მნიშვნელოვანი ნაწილი, როდესაც პროგრამის ბიუჯეტზე ვსაუბრობთ, არის ის, რომ ჯანდაცვის სამინისტრო მოიაზრებს სელექტიური კონტრაქტირების მექანიზმის უფრო სწრაფად ამოქმედებას. ამაზე იყო ჯანდაცვის მინისტრთან შეხვედრისას საუბარი, შესაძლოა ეს თემა მეორე კვარტალიდან გააქტიურდეს. ამ კუთხით არსებობს არა ტარიფებით, არამედ გაცილებით სწორი მექანიზმებით ბიუჯეტის ხარჯვის კლების შესაძლებლობა“, - განაცხადა გიორგი მინდიაშვილი და მა „ბიზნესპარტნიორში“ სტუმრობისას.
საყოველთაო ჯანდაცვის ფარგლებში დადგენილი ტარიფები, შესაძლოა გადაიხედოს და ის მომსახურების თვითღირებულებას მიებას. დაგეგმილია შეიქმნას სამუშაო ჯგუფები, რომელთაგან ერთი იმუშავებს ტარიფების ღია და გამჭვირვალე ფორმულის დადებაზე და მოხდება ფასთა ინდექსაციის მექანიზმიც. სავარაუდოდ, ინდექსაცია, შესაძლოა მოხდეს 3 წელიწადში ერთხელ.
სამედიცინო მომსახურების მიმწოდებლები აცხადებენ, რომ გაზრდიალი პროდუქციის თვითღირებულება, რის გამოც უნდა მოხდეს ახალი ფორმულის შემუშავება, რომელიც მომსახურების ღირებულებას განსაზღვრავს.
სამედიცინო სექტორის წარმომადგენლები სექტორში არსებულ კრიზისზე სასაუბროდ ჯანდაცვის მინისტრს 25 იანვარს შეხვდნენ.
