საზოგადოება
07/09/2020
საქართველოში შემომსვლელ უცხოელებს 15 სექტემბრიდან PCR ტესტის წარდგენა ევალებათ
საქართველოში შემომსვლელ ყველა უცხოელს 72 საათიანი PCR ტესტის წარდგენა ევალებათ.
პრემიერმა განმარტა, რომ ეს ვალდებულება უცხოელებს 15 სექტემბრიდან დაეკისრებათ.
მისი თქმით, ეს აუცილებელია, რომ საქართველოს მოქალაქეებისა და ქვეყნის სტუმრების ჯანმრთელობა იყოს დაზღვეული, ხოლო ვირუსის გავრცელების მართვა უფრო ეფექტური.
"მინდა აღვნიშნო, ეს ეხება ნაცვალგების პრინციპით, იმ ქვეყნებს, რომლებსაც არ ჰქონდათ შეზღუდვა. მათ დაუწესდებათ მოთხოვნა ჩვენი მხრიდან, მხოლოდ 15 სექტემბრიდან, რადგან ადამიანებს, რომლებსაც უკვე ბილეთი აქვთ შეძენილი და მოემგზავრებიან საქართველოში, მათ რომ არ შევუქმნათ დამატებითი დისკომფორტი“, - აღნიშნა პრემიერ-მინისტრმა.
ფოტო: airsideint.com
