საქართველოს უნივერსიტეტის სტუდენტები ევროვიზიისა და LEGO-ს კამპანიაზე იმუშავებენ
საქართველოს უნივერსიტეტის სტუდენტებმა ევროვიზიის კამპანიის დაგეგმვის საერთაშორისო კონკურსში პირველი და მეორე ადგილი აიღეს.
სტრატეგიული კომუნიკაციების პროგრამის 10 სტუდენტი მონაწილეობას იღებს ორ საერთაშორისო კონკურსში, სადაც მათ მენტორობას ევროპის საუკეთესო PR სპეციალისტები გაუწევენ. აღსანიშნავია, რომ ამ კონკურსებში ქართველი სტუდენტებით დაკომპლექტებული გუნდი პირველად მონაწილეობს.
საერთაშორისო კონკურსების ფარგლებში, საქართველოს უნივერსიტეტის სტუდენტები ევროვიზიისა და LEGO-ს კამპანიაზე იმუშავებენ და გამარჯვების შემთხვევაში რეალობად აქცევენ.
კონკურსის ჟიური 40 PR პროფესიონალისგან შედგება. კონკურსის გამარჯვებული, რომელიც მაისში გამოცხადდება, Cannes Lions International Festival of Creativity-ზე გაემგზავრება და გუნდის მიერ შექმნილ საკომუნიკაციო კამპანიას LEGO გამოიყენებს.
ორივე კონკურსში მონაწილეობა ხელს შეუწყობს სტრატეგიული კომუნიკაციების სტუდენტების პროფესიულ განვითარებას, საერთაშორისო გამოცდილების მიღებასა და გლობალურ ბრენდებთან მუშაობისთვის საჭირო უნარების გამომუშავებას. ეს კონკურსები სტუდენტებს ასევე დაეხმარებათ, რომ რეალურ გლობალურ კლიენტთან მუშაობის გამოცდილება მიიღონ.
