საქართველოს საელჩო ავსტრიაში განცხადებას ავრცელებს
საქართველოს საელჩო ავსტრიაში განცხადებას ავრცელებს და ავსტრიაში მცხოვრებ საქართველოს მოქალაქეებს საჭროების შემთხვევაში საელჩოს ცხელ ხაზზე დაკავშირებას ურჩევს.
"ვენაში მიმდინარე სპეცოპერაციის გამო, ავსტრიის შინაგან საქმეთა სამინისტრო მოუწოდებს ყველას, სპეცოპერაციის დასრულებამდე თავი აარიდონ საზოგადოებრივი თავშეყრის ადგილებს და დარჩნენ სახლში.
საჭიროების შემთხვევაში, დაგვიკავშირდით საელჩოს ცხელი ხაზის ნომერზე: +43 676 3259839" - წერია განცხადებაში.
ვენის ცენტრში დაძაბული მდგომარეობაა. შეიარაღებული თავდამსხმელები ვენის ქუჩებში სხვადასხვა ლოკაციაზე არიან მობილიზებულნი, ისმის სროლების ხმა, არიან დაჭრილები, დაუდასტურებელი ინფორმაციით არიან გარდაცვლილებიც.
პოლიცია მოქალაქეებს სახლებში დარჩენოისკენ მოუწოდებს. "დარჩით სახლში, არ მიხვიდეთ ფანჯრებთან, არ გაუღოთ კარი არავის."
