საქართველოს რკინიგზა რეისებს 17 საათიდან განაახლებს
საქართველოს რკინიგზა რეისებს 17 საათიდან განაახლებს, - ამის შესახებ ინფორმაციას კომპანიის ადმინისტრაცია ავრცელებს.
"ამ დროისთვის მარელისის სადგურთა ჩამოწოლილი მეწყერი სრულადაა გაწმენდილი. დღის მეორე ნახევარში კი შემდეგი რეისები შესრულდება:
„ძვირფასო მგზავრებო!
სადგურ მარელისთან ჩამოწოლილი მეწყერისაგან სრულად გაწმენდილია ლიანდაგები და აღდგენილია საკონტაქტო ქსელი. შესაბამისად, 3 ივლისის 17:00 საათიდან საქართველოს რკინიგზაზე მოძრაობა განახლდება. კერძოდ, დღის მეორე ნახევარში შესრულდება შემდეგი რეისები:
მაგისტრალური მიმართულებით მოძრავი მატარებლები:
#804 თბილისი-ბათუმი 17:05
#807 ბათუმი-თბილისი 17:15
#801 ბათუმი-თბილისი 18:20
#812 თბილისი-ბათუმი 0:35
#811 ბათუმი-თბილისი 0:45
#869 ზუგდიდი-თბილისი 17:25
#874 თბილისი-ფოთი 17:30“, - ნათქვამია საქართველოს რკინიგზის მიერ გავრცელებულ განცხადებაში.
შეგახსენებთ, 1 ივლისს უხვმა ნალექმა და უამინდობამ სადგურ მარელისში მეწყერის ჩამოწოლა გამოიწვია. მეწყერმა მნიშვნელოვნად დააზიანა საკონტაქტო ქსელი და ლიანდაგები, რის გამოც საქართველოს რკინიგზამ 2 და 3 ივლისის რეისები გააუქმა.
