საზოგადოება
29/07/2022
"საქართველოს ფინანსური ინსტიტუტები საერთაშორისო ფინანსური სანქციების შესაბამისად მოქმედებენ"– აშშ-ის სახელმწიფო დეპარტამენტი
აშშ-ის სახელმწიფო დეპარტამენტი აღნიშნავს, რომ საქართველოს ეროვნული ბანკი და ფინანსური ინსტიტუტები სრულად მოქმედებენ ამერიკის შეერთებული შტატებისა და სხვა ქვეყნების მიერ რუსეთის წინააღმდეგ დაწესებული ფინანსური სანქციების შესაბამისად.
როგორც აღნიშნული დეპარტამენტის საინვესტიციო კლიმატის შესახებ 2022 წლის ანგარიშში, ვკითხულობთ, საერთაშორისო ფინანსურ სანქციებთან შესაბამისობა სისტემატურად მოწმდება ფინანსური ინსტიტუტების ადგილზე შემოწმების დროს.
