“საქართველოს ბანკის” თანხა იყო – გომელაური მძარცველისთვის მიცემულ ფულზე

საქართველოს შინაგან საქმეთა მინისტრმა, ვახტანგ გომელაურმა დაადასტურა, რომ "საქართველოს ბანკის" თავდამსხმელს ნამდვილად მისცეს თანხა. მან სპეცოპერაციის მეორე დღეს განაცხადა, რომ მთავარი იყო ადამიანების უსაფრთხოება. გომელაურის ინფორმაციით,მძარცველებისთვის გადაცემული თანხა ბიუჯეტიდან არ არის გადახდილი.

როგორც მინისტრმა ჟურნალისტებთან განაცხადა, თანხა „საქართველოს ბანკმა“ გადაიხადა.

„თიბისი ბანკი“ ხომ არ გადაიხდის, „საქართველოს ბანკში“ იყო ხალხი შესული“-განაცხადა შს მინისტრმა. 

გომელაურმა ასევე განმარტა, რომ ეს ასე ხდება ყველგან, როდესაც ბანკში შედიან და მძევლებს იყვანენ. რაც შეეხება ჰყავდა თუ არა თანამზრახველი თავდამსხმელს და იდენტიფიცირებულია თუ არა ის, მინისტრმა აღნიშნა, რომ ამ საკითხებზე გამოძიება მიმდინარეობს.