საგანგებო სიტუაციების და გადაუდებელი დახმარების ცენტრი ₾24 მლნ-ის გამარტივებულ შესყიდვას ითხოვს
„საგანგებო სიტუაციების კოორდინაციისა და გადაუდებელი დახმარების ცენტრი“ 23.79 მლნ ლარის გამარტივებულ შესყიდვას ითხოვს.
ცენტრის მიერ მომზადებული დოკუმენტაციით ირკვევა, რომ პროგრამა "სოფლის ექიმის" გამართული ფუნქციონირებისთვის მომავალ წელს 23.39 მლნ დაიხარჯება. თანხა მომავალი წლისთვის პროგრამა "სოფლის ექიმის" ადმინისტრირებისა და მონიტორინგის მომსახურებას, ასევე შიდა ქართლის სოფლებში სოფლის ექიმების/ექთნების გამართული მუშაობას უნდა მოხმარდეს.
უწყება 220 ათას ლარიან შესყიდვას აცხადებს საქართველოს საკანონმდებლო, აღმასრულებელი და სასამართლო ხელისუფლების უმაღლეს თანამდებობის პირთათვის და საქართველოში ოფიციალური ვიზიტით მყოფი საზღვარგარეთის ქვეყნების ხელმძღვანელთათვის, დელეგაციის წევრებისა და თანმხლებ პირთათვის გადაუდებელი სამედიცინო მომსახურების უზრუნველყოფისთვის.
კიდევ 180 ათასი ლარი უნდა მოხმარდეს სახელმწიფო მნიშვნელობის ღონისძიებების დროს საგანგებო სიტუაციის დადგომას მომსახურების უზრუნველყოფას
