საზოგადოება
02/09/2020
საარჩევნო პლაკატების განთავსება წინასწარ განსაზღვრულ ადგილებში იქნება შესაძლებელი
თბილისში საარჩევნო პლაკატების განთავსება წინასწარ განსაზღვრულ ადგილებში იქნება შესაძლებელი.
თბილისის მერიამ საარჩევნო პლაკატების განთავსების ადგილები შეიმუშავა და დასამტკიცებლად საკრებულოს უკვე გადაუგზავნა.
„დამტკიცების შემდეგ, აღნიშნული ნუსხა ცენტრალურ საარჩევნო კომისიას გადაეგზავნება. დოკუმენტში მოცემულია ადგილები, თუ სად შეიძლება პოლიტიკურმა პარტიებმა საარჩევნო პლაკატები განათავსონ“, - განაცხადა კახა კალაძემ.
მერმა პოლიტიკურ პარტიებს მოუწოდა, რომ საარჩევნო პლაკატები მხოლოდ მისთვის განსაზღვრულ ადგილებში განათავსონ. ამავდროულად აღნიNშა, რომ წინააღმდეგ შემთხვევაში პოლიტიკური პარტიები დაჯარიმდებიან.
თბილისის მერმა დედაქალაქის მუნიციპალურ ინსპექციას დაავალა, დარღვევების შემთხვევაში, კანონის შესაბამისი რეაგირება დროულად მოახდინონ.
