საზოგადოება
10/03/2023
როგორი იქნება ხაშურში მიწისქვეშა გადასასვლელი - რეაბილიტაცია იწყება
ხაშურში, ძნელაძის ქუჩაზე მიწისქვეშა გადასასვლელის რეაბილიტაციის სამუშაოები იწყება. პროექტი უახლოეს დღეებში დაიწყება და ღირებულება 214 592 ლარი იქნება.
ხაშურის მუნიციპალიტეტის მერიის ინფორმაციით, მოქალაქეთა უმრავლესობა ქალაქის ერთი ნაწილიდან მეორეში გადაადგილებისთვის სწორედ ამ მიწისქვეშა გადასასვლელით სარგებლობს, ამიტომ მისი მოწესრიგება პრიორიტეტული და მნიშვნელოვანია.
მათივე განმარტებით, სარეაბილიტაციო სამუშაოების დასრულების შემდეგ ხაშურელი მოქალაქეებისთვის გადაადგილება უსაფრთხო და კომფორტული გახდება. თუმცა, რადგანაც ხშირია ამ ტერიტორიის ხელოვნურად დაზიანების ფაქტები, ხაშურის მუნიციპალიტეტის მერიამ გადაწყვიტა ზედამხედველობა სათვალთვალო კამერების საშუალებით განახორციელოს.
