როგორ უნდა მოიქცეთ თუ covid-ინფიცირებულთან კონტაქტი გქონდათ - NCDC-ს რეკომენდაციები

დაავადებათა კონტროლის და საზოგადოებრივი ჯანმრთელობის ეროვნული ცენტრი ბინაზე მყოფი covid-19-ის დადასტურებული შემთხვევის  კონტაქტირებული პირებისთვის რეკომენდაციებს აქვეყნებს:

თუ ხართ covid-19-ის დადასტურებული შემთხვევის კონტაქტი და ექვემდებარებით თვითიზოლაციას ბინაზე:

• დარჩით თვითიზოლაციაში ბოლო კონტაქტიდან 12 დღის განმავლობაში
• ამავე პერიოდში არ წახვიდეთ სკოლაში, სამსახურში, საყიდლებზე, არ იმოგზაუროთ საზოგადოებრივი ტრანსპორტით, არ მიიღოთ სტუმრები
• თუ ოჯახის წევრებთან ერთად ცხოვრობთ, მინიმუმამდე დაიყვანეთ საერთო სივრცეში მათთან შეხვედრა
• თუ ოჯახის წევრებთან შეხვედრა გარდაუვალია, გამოიყენეთ პირბადე და დაიცავით უსაფრთხო დისტანცია -სულ მცირე 1 მეტრი
• აწარმოეთ თერმოსტკრინინგი, გაიზომეთ ტემპერატურა დღეში ორჯერ
• Covid-19-ისთვის დამახასიათებელი ნებისმიერი სიმპტომის შემთხვევაში (ცხელება, ხველა, სუნთვის გაძლება), დაუყოვმებლივ დაუკავშირდით 112-ს ან ოჯახის ექიმს
• დაიცავით რესპირაციული ეტიკეტი: ხველის ან ცემინებისას აიფარეთ პირსა და ცხვირზე ერთჯერადი ცხვირსახოცი ან მოხრილი იდაყვი. ცხვირსახოცი დაუყოვნებლივ გადააგდეთ
• საგულდაგულოდ გაწმინდეთ ხშრად შეხებადი ზედაპირები
• თვითიზოლაციაში ყოფნის პერიოდში,დაავადების ნებისმიერი სიმპტომის გამოვლენის შემთხვევაში, ექიმი ან/და ეპიდემიოლოგი გადაწყვეტს ექვემდებარებით თუ არა ტესტირებას
• არ დაარღვიოთღ თვითიზოლაციის წესები -ამით თქვენ დაიცავთ საკუთარ და გარშემომყოფთა ჯანრთელობას.