საზოგადოება
20/10/2020
რესტორნების მუშაობა მცხეთაშიც შეიზღუდება
თბილისისა და იმერეთის შემდეგ რესტორნების მუშაობა მცხეთაშიც შეიზღუდება. მთავრობის გადაწყვეტილებით, რესტორნებს მცხეთაშიც მუშაობის შესაძლებლობა 22:00 საათამდე ექნებათ.
მთავრობის ადმინისტრაციის უფროსმა ნათია მეზვრიშვილმა მოსახლეობას მოუწოდა თავი შეიკავონ სხვადასხვა ტიპის ღონისძიებებში მონაწილეობისგან და დაემორჩილონ რეკომენდაციებს.
„მცხეთის მუნიციპალიტეტში ამოქმედდება ისეთი რეჟიმი, რომელიც ქვეყნის სხვა ტერიტორიაზე გვაქვს. სამწუხაროდ, არის ფაქტები, რაც უარყოფითად აისახება ეპიდემიოლოგიურ მდგომარეობაზე. როდესაც დავკეტეთ 22:00 საათიდან რესტორნები, ეს გადაწყვეტილება დავაფუძნეთ კონკრეტულ ლოგიკას. გთხოვთ, მთავრობის მიღებულ გადაწყვეტილებებს და რეკომენდაციებს დავემორჩილოთ. შევიკავოთ თავი ასეთი ტიპის ღონისძიებებისგან“, - განაცხადა ნათია მეზვრიშვილმა.
