რეკორდული მაჩვენებელი – დღეს 20 845 მოქალაქე აიცრა
ამირან გამყრელიძის თქმით, სულ უფრო ინტენსიურად მიმდინარეობს ვაქციანცია და დღეს ყველაზე მეტი 20 845 ათასი მოქალაქე აცრა.
მან ასევე საკოოდინაციო საბჭოზე განაცხადა, რომ ძალიან კარგი იქნება თუ დღიური მაჩვენელი 30-33 ათას აცრამდე ავა, თუმცა 25-26 ათასი აცრაც კარგი იქნება და თუ ამ სამი თვის განმავლობაში ამ რიცხვს მივაღწევთ, ეპიდემიის განვითარების ტემპს მკვეთრად შევანელებთ.
„ქვეყანაში ეპიდსიტუაცია საკამოდ დაძაბულია და ყველა პარამეტრი, დადებითობის მაჩვენებლი, ახალი შემთხვევები, რეპროდუქციის ინდექსი, სიკვდილიანობა და ა.შ მომატებულია. დღეს ვართ 70%-ის ფარგლებში ნოემბერ-დეკემბრის პიკთან. თუმცა, ჩვენ ახლა გვაქვს სხვა იარაღი ეიდსიტუაციასთან ბრძოლის, ეს არის ვაქცინაცია. ქვეყანაში სულ უფრო ინტენსიურად მიმდინარეობს აცრის პროცესი, დღეს ყველაზე მეტი 20 845 ათასი აცრა ჩატარდა. აქედან უმეტესობა აიცრა Pfizer -12 648 დოზით, Sinopharm-6910, Sinovac-665 და Astrazeneca -612. ამ ეტაპზე დღიურად შესაძლებელია 24 320 აცრის გაკეთება, შესაბამისად რესურსი არსებობს.
ამასთან, ყოველდღიურად ახალი კაბინეტები და სივრცეები ემატება. გუშინ სამედიცინო უნივერსიტეტში დავამატეთ ახალი სივრცეები, სადაც დღში 2000-მდე აცრის გაკეთებაა შესაძლებელი. აგვისტოს შუა რიცხვებიდან დაიწყება Pfizer-ის დიდი მოცულობის ვაქცინაცია, ამიტომ ამას უნდა შევხვდეთ დამატებით 70-80 ბრიგადით, რომ შეძლოთ მოვემსახუროთ როგორც მეორე დოზის მსურველებს, ასევე პირველი დოზის. -აღნიშნავს ამირან გამყრელიძე.
