“ყველას მოგვიწევს, გადავხედოთ ექთნებისა და სანიტრების ანაზღაურებას“ - "ჯეო ჰოსპიტალსი“

„ყველას მოგვიწევს, გადავხედოთ ექთნებისა და სანიტრების ანაზღაურებას.“ - ამის შესახებ „ბიზნესპარტნიორს“ "ჯეო ჰოსპიტალსის“ სამეთვალყურეო საბჭოს თავმჯდომარემ განუცხადა. ნინო კობახიძის განმარტებით, ქვეყანაში ექთნებისა და ექიმების სერიოზული დეფიციტია, განსაკუთრებით კი რეგიონებში.

„არის ძალიან სერიოზული პრობლემა. ალბათ ჩვენც და ყველას მოგვიწევს გადაიხედოს ექთნებისა და სანიტრების ანაზღაურება და იყოს ადეკვატური მათი შრომის. ამ პანდემიურ ვითარებაში ნამდვილად გამოიკვეთა, რომ მათი შრომა არის ფასდაუდებელი. ფაქტია ისიც, რომ ამ პროფესიაში შესვლა პრესტიჟული არ არის. ამავდროულად ამ მიმართულებით დეფიციტი არსებობს.“- განმარტა ნინო კობახიძემ.