პროფ.საგანმანათლებლო დაწესებულებების ავტორიზაციის საბჭოს წევრად ნატალია კვაჭანტირაძე დაინიშნა
საქართველოს პრემიერ-მინისტრის 2023 წლის 18 იანვრის ბრძანებით, საქართველოს ტურიზმის ასოციაციის თავმჯდომარე - ნატალია კვაჭანტირაძე უკვე მეორე ვადით პროფესიული საგანმანათლებლო დაწესებულებების ავტორიზაციის საბჭოს წევრად დაინიშნა.
საქართველოს ტურიზმის ასოციაციის ინფორმაცით, საბჭო ერთადერთი უმაღლესი კოლეგიალური ორგანოა ქვეყანაში, რომელიც იღებს მნიშვნელოვან გადაწყვეტილებებს პროფესიული განათლების ხარისხის უზრუნველყოფის საკითხებში, ანიჭებს რა ავტორიზაციას პროფესიული საგანმანათლებლო პროგრამების განმახორციელებლებს, იხილავს მათი მონიტორინგის ან სხვა ადმინისტრაციული წარმოების ფარგლებში გაკეთებულ ექსპერტულ დასკვნებს.
"საქართველოს ტურიზმის ასოციაცია მზადაა თავისი წვლილი შეიტანოს ქვეყნისთვის მნიშვნელოვანი პრიორიტეტის პროფესიული განათლების ხელშეწყობის და განვითარების საქმეში,"-ნათქვამია ასოცაიციის მიერ გავრცელებულ განცხადებაში.
