პრემიერი: ტურისტის მიღების ფასად, მოქალაქის ჯანმრთელობას კითხვის ნიშნის ქვეშ ვერ დავაყენებთ
ვერც ერთ შემთხვევაში, ტურისტის მიღების ფასად, ჩვენი მოქალაქის ჯანმრთელობას კითხვის ნიშნის ქვეშ ვერ დავაყენებთ, - გიორგი გახარიამ ფერმერებთან შეხვედრისას, კორონავირუსის პანდემიის დასრულების ბუნდოვან ვითარებაზე ისაუბრა.
პრემიერი ამბობს, რომ ისრაელი უნდა ყოფილიყო პირველი ქვეყანა, რომელთანაც ე.წ „მწვენე კორიდორი“ გაიხსნებოდა, თუმცა 1 კვირის წინ, ისრაელში ეპიდემიოლოგიური ვითარება გართულდა და შესაბამისად, ამ ქვეყანასთან საზღვრის გახსნა და ავიამიმოსვლის დაწყება გადავადდა.
ტურიზმიდან შემოსული, იმპორტირებული ინფიცირება შესაძლოა ქვეყანას იმდენი დაუჯდეს, არანაირი ფასი იმ ტურიზმს არ ექნება, ამიტომ აქ ფრთხილი, გონივრული ნაბიჯები, როგორ ეპიდემიოლოგიური რისკების დასაზღვევად, ასევე ეკონომიკის აღსადგენად არის ერთადერთი შესაძლებლობა ყველამ ერთად გავიდეთ სამშვიდობოს“, - განაცხადა გახარიამ.
მისი თქმით, ეს უნდა შენარჩუნდეს და „არ უნდა გამოვეკიდოთ მაღალი რისკის შემცველ იდეებს“.
