პირბადის ტარების წესის დარღვევის გამო 1177 ადამიანი დაჯარიმდა

შინაგან საქმეთა სამინისტრომ ბოლო 24 საათის განმავლობაში, დაწესებული შეზღუდვების ფარგლებში მოქმედი რეგულაციების დარღვევის 1244 ფაქტი გამოავლინა.

აქედან პირბადის ტარების წესის დარღვევის ფაქტზე, 1177 ფიზიკური პირია დაჯარიმებული, მოქმედი კანონის შესაბამისად ჯარიმა 20 ლარია.

ამავდროულად პოლიციამ ადმინისტრაციულ სამართალდარღვევათა კოდექსის 42(10)-ე მუხლის შესაბამისად 67 ფიზიკური პირი დააჯარიმა.

აღსანიშნავია, რომ იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირი ჯარიმდება 2 000 ლარით, იურიდიული პირის – 10 000 ლარით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.