საზოგადოება
21/10/2020
მუნიციპალურ სერვისცენტრებში რიგების მართვა იწყება, მოქალაქეებს პირბადეებსაც დაურიგებენ
მუნიციპალურ სერვისცენტრებში რიგების მართვა იწყება, - გადაწყვეტილება ქალაქის მერიამ ეპიდემიოლოგიური მდგომარეობის გაუარესების გამო მიიღო.
კახა კალაძის თქმით, რიგების მართვის გარდა, სერვისცენტრებში მისულ მოქალაქეებს, არქონის შემთხვევაში, პირბადეები დაურიგდებათ.
„პირბადის გარეშე შენობაში შესვლა კატეგორიულად მიუღებელია. ამით უნდა დავიცვათ თვითონ იმ მოქალაქის ჯანმრთელობის მდგომარეობა და ასევე, იმ ადამიანებისაც, რომლებიც მოქალაქეებს ემსახურებიან“, - აღნიშნა კახა კალაძემ.
საკითხის ზედამხედველობა მერმა მოადგილეს, ილია ელოშვილს დაავალა, მერიის გადაწყვეტილებით, პირბადეები რაიონული გამგეობების უფასო სასადილოებშიც დარიგდება.
