მსოფლიო სიღარიბესთან ბრძოლის დღეს აღნიშნავს - WB-იმ საქართველოზე ვიდეო რგოლი გაავრცელა

17 ოქტომბერს მსოფლიო სიღარიბესთან ბრძოლის დღეს აღნიშნავს. END POVERTY DAY-ს ეძღვნება მსოფლიო ბანკის საქართველოს ოფისის გადაღებული ვიდეო რგოლი, რომელიც მსოფლიო ბანკის სოციალური მედიისა და ოფიციალურ ონლიან გვერდებზე დღეს გამოქვეყნდა.

ვიდეო რგოლის მთავარი გმირია მაღალმთანი სოფლის - არგოხის სკოლის პედაგოგი ინგა ხვედელიძე, რომელიც ყვება თავის გამოცდილებას იმის შესახებ, თუ რამდენად მნიშნელოვანია ინტერნეტიზაცია და ციფრულ ტექნოლოგიებთან ხელმისაწვდომობა სწავლის ხარისხის გაუმჯობესებისთვის, განსაკუთრებით კი, პანდემიის პირობებში.

ვიდეო რგოლში ასახულია როგორ ეხმარება მსოფლიო ბანკი საქართველოს სიღარიბის დაძლევაში სხვადასხვა მიმდინარე პროექტებით, რომელთა შორის აღსანიშნავია პროექტები: Log-in Georgia და Innovation, Inclusion and Quality (I2Q) Project (პროექტი - „ინოვაცია, ინკლუზიური განათლება და ხარისხი“).