კომუნალურ გადასახადებზე შეღავათით დაახლოებით 1,85 მლნ აბონენტი ისარგებლებს

პანდემიის კრიზისის გამო კომუნალურ გადასახადებზე დაწესებული შეღავათები ამოქმედდა.

ფიზიკურ პირებს კომუნალური გადასახადები ოთხი თვის მანძილზე - ნოემბერში, დეკემბერში, იანვარსა და თებერვალში დაეფარებათ.

შეღავათი შეეხებათ იმ მომხმარებლებს, რომლებიც თვეში მოიხმარენ არაუმეტეს 200 კვტ/საათ ელექტროენერგიას და 200-ს კუბურ მეტრამდე ბუნებრივ გაზს.

საერთო ჯამში, ასეთი აბონენტების რიცხვი 1 850 000 აჭარბებს. ამასთან ძალაში რჩება კომუნალურ შეღავათებზე უარის თქმის პლატფორმა. მათ ვისაც არ სურთ პროგრამაში ჩართვა შეუძლიათ სემეკის ვებგვერდზე მოთხოვნა ონალინ დააფიქსირონ.

მოქალაქეებმა სუბსიდირებით მარტში, აპრილსა და მაისშიც ისარგებლეს. მაშინ მოსახლეობის კომუნალური გადასახადების სუბსიდირებაზე 170 მილიონ ლარზე მეტი დაიხარჯა.

როგორც ფინანსთა მინისტრმა განაცხადა, კომუნალური გადასახადების სუბსიდირების მეორე ეტაპი მთავრობას დაახლოებით 200-300 მლნ ლარი დაუჯდება.

ივანე მაჭავარიანმა განმარტა, რომ საჭირო თანხის ნაწილი 2020 წლის ბიუჯეტიდან, ნაწილი კი 2021 წლის ბიუჯეტიდან დაფინანსდება.

„ეს არის სავარაუდო მოცულობაა და ბევრ რამეზეა დამოკიდებული", - განაცხადა ივანე მაჭავარიანმა.

მინისტრს მზიანი ამინდების ეიმედება. "თუ ასეთი მზიანი ამინდები გაგრძელდა და ნოემბერი თბილი იქნება, თანხა შემცირდება", - განაცხადა მინისტრმა.