საზოგადოება
25/11/2020
კალაძე ვაკელებს უფასო პარკირებით სარგებლობისთვის დროული დარეგისტრირებისკენ მოუწოდებს
კახა კალაძე ვაკის რაიონში მცხოვრებლებს უფასო პარკირებით სარგებლობისთვის ავტომობილების დროული დარეგისტრირებისკენ მოუწოდებს.
მისივე თქმით, საათობრივი პარკირების ზონებზე განაწილებული ინსპექტორები სატრანსპორტო საშუალებების მძღოლებს აპლიკაციის ჩამოტვირთვისა და საფასურის გადახდასთან დაკავშირებით უფასო კონსულტაციას ადგილზე უწევენ.
ვაკის რაიონში ზონალურ-საათობრივი სისტემა 20 ნოემბრიდან ამოქმედდა. ის მოიცავს ჭავჭავაძის გამზირს, ფალიაშვილსა და მის მკვეთ ქუჩებს.
ახალი სისტემა უკვე მოქმედებს კოტე აფხაზის ქუჩაზე, ორბელიანის მოედანზე, პეკინის გამზირსა და მიმდებარე ქუჩებზე.
ახალი სისტემის ამოქდება იგეგმება ასევე ვაჟა-ფშაველასა და ყაზბეგის გამზირზე.
