საზოგადოება
12/08/2021
კაფე-რესტორნებში, ფიტნესებსა და სალონებში, შესაძლოა, მხოლოდ ვაქცინირებულები ან გატესტილები დაუშვან
დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს მიმართა რეკომენდაციით, რომ სექტემბრიდან კვების ობიექტებში, სპა სალონებში, ფიტენესებსა და მსგავსი ტიპის დაწესებულებებში დაუშვან მხოლოდ ის პირები, ვისაც ვაქცინის ერთი დოზა აქვს გაკეთებული ან სრული კურსი აქვს ჩატარებული, ან ბოლო 72 საათში ჩატარებული ექნება PCR ტესტი, ან ბოლო 24 საათში სწრაფი ტესტი.
უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, საბჭო აღნიშნულ საკითხზე იმსჯელებს და შესაბამის გადაწყვეტილებას მიიღებს.
