საზოგადოება
13/12/2022
გურიაში წლის ბოლომდე 40 კმ-მდე გზის რეაბილიტაცია დასრულდება - ბიუჯეტი ჯამში ₾50 მლნ-ია
გურიაში 53 კმ-მდე გზის რეაბილიტაციის სამუშაოები ხორციელდება. აქედან, 40 კმ-მდე მონაკვეთის რეაბილიტაცია წლის ბოლომდე არის დაგეგმილი.
საავტომობილო გზების დეპარტამენტის ინფორმაციით, პროექტი ჯამში 50 მილიონი ლარის ღირებულებისაა და ის მსოფლიო ბანკის ფინანსური მხარდაჭერით ხორციელდება.
პროექტის ფარგლებში, რეაბილიტაცია უტარდება საჯავახო-ჩოხატაური-ოზურგეთი-ქობულეთის, ჩოხატაური-ბახმაროს, ოზურგეთი-ნატანები-ურეკის და ჩოხატაური-ზომლეთის საავტომობილო გზების ცალკეულ მონაკვეთებს, რომელიც მოიცავს ნასაკირალის უღელტეხილს.
დეპარტმენტის ინფორმაციით, დასრულდა ოზურგეთი-ნატანები-ურეკის საავტომობილო გზის და საჯავახო-ჩოხატაური-ოზურგეთი-ქობულეთის საავტომობილო გზის, ჯამში, 6 კმ-მდე მონაკვეთის რეაბილიტაცია.
