გიორგი გახარია: მკაცრი ჩაკეტვები არ იქნება
ქვეყნის პრემიერი აცხადებს, რომ მკაცრი ჩაკეტვები აღარ იქნება.
მისი თქმით, ისმის ბიზნესის, ეკონომიკური სფეროს წარმომადგენლების ფრთხილი იმპულსები. "ისინი საკმაოდ ღელავენ მიმდინარე პროცესებზე, მინდა აღვნიშნო, რომ არანაირ მკაცრ ჩაკეტვებს, შეზღუდვებს ადგილი აღარ ექნება," - განაცხადა გიორგი გახარიამ.
მან განმარტა, რომ ვირუსთან ბრძოლა წერტილოვნად, მიზნობრივად უნდა მოხდეს და ეს შესაძლოა იყოს ლოკალური შეზღუდვები, თუმცა მკაცრი სისტემური შეზღუდვები ქვეყანაში აღარ განმეორდება.
"დღეის მდგომარეობით პრიორიტეტია ქვეყნის ეკონომიკური აღდგენა, ეკონომიკური აღდგენის სისწრაფე და ამავე დროს, მოქალაქეების ჯანმრთელობასაც უნდა გავუფრთხილდეთ. დღეს ჩვენ ამის შესაძლებლობა გვაქვს და ყველა საერთაშორისო შეფასებით საქართველოს ექნება ერთ-ერთი საუკეთესო სასტარტო პირობები პოსტკრიზისულ ეკონომიკაში და რა თქმა უნდა, ჩვენ ეს უნდა გამოვიყენოთ, - განაცხადა გიორგი გახარიამ.
