საზოგადოება
02/09/2020
გიორგი გახარია: ბათუმის ჩაკეტვაზე საუბარი არ არის
ბათუმში საკარანტინო ზომები არ ცხადდება, ამის საჭიროებას ეპიდემიოლოგები ვერ ხედავენ, თუმცა საყურადღებო მდგომარეობაა.
"მიუხედავად იმისა, რომ ბათუმში სიტუაცია ეპიდემიასთან დაკავშირებით, როგორც ჩანს დანარჩენ საქართველოსთან შედარებით მძიმდება, სპეციალურ საკარანტინო ზომებს ბათუმში არ ვაცხადებთ და ბათუმის ჩაკეტვაზე საუბარი არ არის,", - განაცხადა გიორგი გახარიამ.
პრემიერის თქმით, ყურადღებაა გასამახვილებელი, გასაძლიერებელია ტესტირება ბულვარში და სხვადასხვა წერტილში.
„ბათუმში დაფიქსირებული შემთხვევებიდან 22 ადამიანი გვყავს კვების ობიექტიდან. დღეს ბათუმში კონცენტრირებულია საკმაოდ მაღალი რაოდენობა ჩვენი მოქალაქეების, რომლებიც ისვენებენ და აქ ყურადღებაა გასამახვილებელი“, - განაცხადა გახარიამ.
