გაზარდა თუ არა კორონავირუსის პანდემიამ გენდერული უთანასწორობა - რას ამბობს ISET-ის კვლევა

გაზარდა თუ არა კორონავირუსის პანდემიამ გენდერული უთანასწორობა? - ამ კითხვაზე პასუხის გაცემა ISET-ის კვლევითმა ინსტიტუტმა არსებული მონაცემების საფუძველზე სცადა. 

ინსტიტუტი ოფიციალურ სტატისტიკას დაეყრდნო, რომლის მიხედვით, 2020 წლის II კვარტალში, 2019 წლის ანალოგიურ პერიოდთან შედარებით, უმუშევართა რიგებს 15,600 ადამიანი შეემატა. აქედან 13 900, ანუ 89% ქალი, ხოლო 1700 ანუ 11% კაცი იყო.

აღნიშნულ მაჩვენებლებზე დაყრდნობით კვლევით ინსტიტუტში ვარაუდობენ, რომ პანდემიის შედეგად დაზარალდნენ  ის   სექტორები, სადაც უმეტესად ქალები იყვნენ დასაქმებულები. აისეტში განმარტავენ, რომ სავარაუდოდ, პანდემიამ უმუშევრად დატოვა   დამლაგებლები, მზარეულები  და   ძიძები, რამაც გამოიწვია ის, რომ „ახალ“ უმუშვერებს შორის 89% ქალია.