გართულებული ეპიდსიტუაცია და ჯანდაცვის სპეციალისტების შენიშვნები
ჯანდაცვის სპეციალისტებს COVID-19-ის მართვასთან დაკავშირებით შენიშვნები აქვთ.
მათი განცხადებით, სახელმწიფოს მხრიდან გატარებული ანტიეპიდემიური ღონისძიებები არასაკმარისია და მასში მნიშვნელოვანი ცვლილებების შეტანაა საჭირო. ერთ-ერთი ასეთი საკითხი კლინიკებში ახალი საწოლი ადგილების გამოყოფა და ადამიანური რესურსის ზრდისთვის მუშაობის გააქტიურებაა.
"ჯეო ჰოსპიტალსის" სამეთვალყურეო საბჭოს თავმჯდომარე განმარტავს, რომ ეპიდვითარების გაუარესების გამო, კლინიკებში პაციენტების მობილობა მკვეთრად გაზრდილია.
"კლინიკაშიც კი, ვის სჭირდება ინტენსიური საწოლი და ვის არ სჭირდება, მთლიანად არის დამოკიდებული ადამიანურ რესურსებზე და ამ გაიდლაინებზე მიდის აქტიური მუშაობა. ძალიან რთული სიტუაციაა, 125 საწოლი რომელიც გამოვყავით საგარეჯოსა და სამტრედიაში ერთ ღამეში შეივსო. მესმის ბევრს შესაძლოა სტაციონარი არ დასჭირვებოდა, მაგრამ როდესაც სასწრაფოს მოყავს პაციენტი, ჩვენ იძულებულები ვართ, პაციენტი მივიღოთ და ვმართოთ", - განმარტავს ნინო კობახიძე.
