გამყრელიძე: Sinopharm-ზე 100 000 ადგილია გახსნილი, თუმცა შესაბამისი აქტივობა არ არის
ამირან გამყრელიძის თქმით, ჰაკერული შემოტევების შემდეგ პორტალი აღდგა და დღეს დილისთვის სულ 27 000-ზე მეტმა ადამიანმა გაიარა რეგისტრაცია.
“გუშინ 2000 ადამიანი აიცრა sinopharm-ით და ამ მომენტისთვის 25 ათასი ადამიანია დარეგისტირებული ამ კონკრეტულ ვაქცინაზე. Sinopharm-ზე რეგისტრაციისთვის, 19 ივლისამდე, დაახლოებით 100 000 ადგილი გავხსენით. სამწუხაროდ შესაბამისი აქტივობა არ არის, თუმცა პირველ დღეებში 25 ათასიც არ არის ცუდი მაჩვენებელი.
საათობრივი დინამიკის მიხედვით ჩაწერების ტენდენცია მზარდია. ზუსტი მონაცემი არ მაქვს, თუმცა გუშინ ონლაინ რეგისტრაციის გვერდის ავლით, პირადპირი რიგით 400-მდე ადამიანი აიცრა. დღევანდელი მონაცემით Booking-ზე 4500-ზე მეტი ადამიანი რეგისტრირებული. რა თქმა უნდა, ეს ჩვენ არ გვაკმაყოფილებს და ცოტაა იმასთან შედარებით, რაც გვინდა და საჭიროა.”-აღნიშნავს, ამირან გამყრელიძე.
