საზოგადოება
05/10/2020
გამყრელიძე საქართველო-ბელარუსის მატჩის მაყურებლის გარეშე ჩატარების რეკომენდაციას იძლევა
დაავადებათა კონტროლის ცენტრის ხელმძღვანელი თბილისში, „დინამო არენაზე“ საქართველო-ბელარუსის საფეხბურთო მატჩის მაყურებლის გარეშე ჩატარების რეკომენდაციას იძლევა.
ამირან გამყრელიძემ ჟურნალისტებთან განაცხადა, რომ უეფა სტადიონის საერთო მაყურებლის 30%-ის დასწრების უფლებას იძლევა, მაგრამ საბოლოო გადაწყვეტილების მიღება ქვეყნებს შეუძლიათ.
"ეპიდემიის გავრცელების ეტაპზე დაავადებათა კონტროლის ეროვნული ცენტრი რეკომენდაციას ვერ მივცემთ რომ მატჩი მაყურებლის დასწრებით ჩატარდეს“, – განაცხადა ამირან გამყრელიძემ.
ევროპის ჩემპიონატის საკვალიფიკაციო ეტაპის პლეიოფის ნახევარფინალური შეხვედრა საქართველო-ბელარუსს შორის 8 ოქტომბერს თბილისში, „დინამო არენაზე“ გაიმართება.
