საზოგადოება
09/10/2020
ფოთის ნავსადგურთან ახალი შემოვლითი გზა აშენდება
ფოთის ნავსადგურთან დასაკავშირებლად ახალი გზა აშენდება.
ფოთის მერიის ცნობით, დასახლებული უბნების გვერდის ავლით აშენდება საავტომობილო გზა, რომელიც ნავსადგურს, თავისუფალ ინდუსტრიულ ზონას, ეკონომიკური გაფორმების ზონასა და სხვა ტერმინალებს დაუკავშირდება.
უკვე გამოცხადდა ტენდერი ფოთის ახალი შემოვლითი გზის სამშენებლო სამუშაოების ტექნიკურ-ეკონომიკური დასაბუთების მომსახურების შესყიდვისთვის.
ფოთის მერიაში აღნიშნავენ, რომ გზის მშენებლობა დღის წესრიგში ნავსადგურში გაზრდილი ტვირთბრუნვის გამო დადგა.
პარალელურად, ქალაქ ფოთის შემოსასვლელში მდინარე რიონზე, აზიის ბანკის დაფინანსებით, მიმდინარეობს 431 მ. გადასასვლელი ხიდისა და ორკილომეტრიანი მისასვლელი გზის მშენებლობა, რომელიც E60-E-70 ჩქაროსნული ავტომაგისტრალის შემადგენელი ნაწილია.
