საზოგადოება
30/11/2020
ეპიდემიოლოგიური მდგომარეობა რთული, მაგრამ მართვადია - ამირან გამყრელიძე
დაავადებათა კონტროლის ეროვნული ცენტრის ხელმძღვანელი ქვეყანაში არსებულ ეპიდემიოლოგიურ მდგომარეობას რთულს, მაგრამ მართვადს უწოდებს.
ამირან გამყრელიძე აღიარებს ჰოსპიტალიზებასთან დაკავშირებით არსებულ ხარვეზებს.
„არავინ მალავს, მდგომარეობა რთულია, მაგრამ სიტუაცია მართვადია", - განაცხადა გამყრელიძემ და საწოლფონდისა და სასუნთქ აპარატებიუს სტატისტიკაც მოიყვანა.
"დილის მონაცემებით 350-მდე თავისუფალი საწოლი იყო, სასუნთქი აპარატების რამდენიმე ასეული იყო თავისუფალი. არსებობს გარკვეული ხარვეზები სტაციონარიზაციაში, მაგრამ საბოლოოდ, ვინც საჭიროებს სტაციონარში გადაყვანას, ის იქ თავსდება", - განაცხადა გამყრელიძემ.
მანვე აღნიშნა, რომ სტაციონარს გარეთ სიკვდილიანობის მაჩვენებელი საქართველოში ერთ-ერთი ყველაზე დაბალია.
