საზოგადოება
10/08/2021
ეკატერინე ტიკარაძე: ახალ შტამს სხვა ტემპი და სირთულე აქვს
ჯანდაცვის მინისტრის ეკატერინე ტიკარაძის შეფასებით, დელტა შტამი გაცილებით სწრაფად ვრცელდება და ეს არის ქვეყანაში არსებული რთული ეპიდვითარების მთავარი მიზეზი.
"რა თქმა უნდა ახალ შტამს, როგორც უკვე მსოფლიო პრაქტიკა გვაჩვენებს, აქვს სხვა ტემპი და სხვა სირთულე. აქედან გამომდინარე, ინფექციის გავრცელების ტემპი მეოთხე ტალღას მეორე ტალღისგან განასხვავებს. მესამე ტალღა უფრო ადვილად გავიარეთ, თუმცა მეოთხე ტალღა გაცილებით მძიმეა, რაც მოსალოდნელი იყო. ჩვენ სხვა ქვეყნებშიც დავაკვირდით, რამდენად სწრაფი გავრცელება ჰქონდა დელტა შტამს და ეს არის სწორედ ის მთავარი მიზეზი, რის გამოც დღეს ამ რთულ პროცესში ვიმყოფებით“,- განაცხადა ეკატერინე ტიკარაძემ.
