საზოგადოება
06/08/2020
Dunkin-ის ამერიკული რესტორნების მენიუს საქართველოში პიცა დაემატა
Dunkin-ის ამერიკული რესტორნების მენიუს საქართველოში პიცა დაემატა. რესტორანი მომხმარებელს იტალიური პეპერონის, მარგარიტას და პიცის ყველით და ლორით 5.50 ლარად სთავაზობს.
გასულ წელს „ვისოლ ჯგუფმა“ ბიზნესის დივერსიფიკაცია განაგრძო და პიცერიების ქსელის შექმნა დაიწყო Wendy's-თან ერთად. როგორც კომპანიაში განმარტავენ, საქართველოს Wendy's-ს რესტორნებში პიცის კუთხეების გაყიდვების მაჩვენებელი მაღალია და ჯგუფმა გადაწყვიტა პიცა Dunkin-ის ქსელშიც შეეთავაზებინა მომხმარებლისთვის.
პიცის შესაქმნელად კომპანიამ დიდი ხნის მანძილზე იმუშავა იტალიელ კონსულტანტებთან ნაპოლიდან, რომელიც იტალიური პიცის დაბადების ადგილია. იტალიელ კონსულტანტებთან ერთად შეირჩა რესტორნებისთვის პიცის ასორტიმენტი, ინგრედიენტები და დანადგარები.
