საზოგადოება
23/10/2020
"COVID-ის პირობებში საქართველოს მოქალაქეს შეეზღუდება თუ არა მოგზაურობა, ამას ევროკავშირი გადაწყვეტს"
ექნებათ თუ არა საქართველო მოქალაქეებს ევროკავშირის ქვეყნებში მოგზაურობის შესაძლებლობა - საკითხზე ჯანდაცვის მინისტრმა ისაუბრა. როგორც ეკატერინე ტიკარაძემ განაცხადა, საქართველოს მოქალაქეების საზღვრის კვეთის საკითხი დამოკიდებულია ევროკავშირის მიღებულ გადაწყვეტილებებზე.
„საქართველოს მოქალაქეს შეეზღუდება თუ არა მოგზაურობა, ამას კვლავ ევროკავშირი გადაწყვეტს. თუმცა, თუ დღევანდელი ჭრილით განვიხილავთ ევროკავშირის მდგომარეობას, ვნახავთ, რომ ძალიან ბევრი ევროპული სახელმწიფო დღეს ისევ ლოქდაუნზე საუბრობს. აქედან გამომდინარე მე ამ გადაწყვეტილებას დიდ მნიშვნელობას ვერ მივანიჭებდი. ეს ცვლადი კომპონენტია. შეიძლება, ხვალ ისევ ამოგვიღონ იმ რისკ ჯგუფიდან, რომელშიც ვართ“,- განაცხადა ტიკარაძემ
