საზოგადოება
02/08/2022
ავლაბრის მოედნიდან თელავის ქუჩის შესახვევამდე საავტომობილო მოძრაობა ორმხრივად იზღუდება
ქეთევან დედოფლის გამზირზე მიმდინარე სარეაბილიტაციო სამუშაოების ფარგლებში, 3 აგვისტოს, 23:00 საათიდან, ავლაბრის მოედნიდან თელავის ქუჩის შესახვევამდე არსებულ საგზაო მონაკვეთზე, საავტომობილო მოძრაობა ორმხრივად შეიზღუდება.
კახა კალაძის თქმით, გადაადგილება შესაძლებელი იქნება ავლაბრის მოედნიდან წურწუმიას ქუჩის გავლით, ზურაბიშვილის ქუჩაზე და თელავის ქუჩიდან ბოჭორმის ქუჩის მიმართულებით ორმხრივად.
„ქეთევან დედოფლის გამზირის განახლება-რეაბილიტაციის ფარგლებში მიწისქვეშა კომუნიკაციები გამოიცვალა. ახლა პროექტის ბოლო ეტაპით გათვალისიწინებული სამუშაოები იწყება. დაგეგმილია საკომუნიკაციო ჭების ნიშნულზე მოყვანა და გზის სავალ ნაწილზე ასფალტის საფარის ბოლო ფენის დაგება“, - განაცხადა კახა კალაძემ.
