საზოგადოება
23/09/2020
ავჭალაში საუბნო პარკი მოეწყობა
ავჭალის ტერიტორიაზე საუბნო პარკის მოწყობა იგეგმება, - პროექტს თბილისის მერია აზიის განვითარების ბანკთან (ADB) თანამშრომლობით განახორციელებს.
კახა კალაძის თქმით, პროექტის განსახორციელებლად ავჭალაში, სადგურის მიმდებარედ, დაახლოებით, ორი ჰექტარი ფართობი შეირჩა.
„აზიის განვითარების ბანკთან თანამშრომლობით, ამ პარკის დაპროექტება და შემდეგ მისი მოწყობა მოხდება. ავჭალაში საუბნო პარკი გაშენდება და ჩვენ ამ ტენდეციას შევინარჩუნებთ, თბილისში რაც შეიძლება მეტი მწვანე სივრცე უნდა შევქმნათ. გზაგამყოფ კუნძულებსაც კი არ ვტოვებთ ქალაქში. ვცდილობთ, ყველაფერი მაქსიმალურად გავალამაზოთ“, - განაცხადა ქალაქის მერმა.
