ასოციაცია: კერძო ბაღების 40% მუშაობის განახლებას ვერ შეძლებს

მთლიანი რეგიონის მასშტაბით, საქართველოს კერძო საბავშვო ბაგა-ბაღების ასოციაციის ინფორმაციით, კერძო ბაღების 40% უკვე გაკოტრებულია და ფუნქციონირბის აღდენას ვეღარ შეძლებს. ასოციაციის თავმჯდომარის, პავლე ქალიაშვილის თქმით, ამ ეტაპზე, ბაზარზე დაახლოებით 380 კერძო ბაგა-ბაღია დარჩენილი.

როგორც ასოციაციის თავმჯდომარემ „ბიზნესპარტნიორთან“ განაცხადა, კერძო ბაგა-ბაღები, არსებული რეგულაციების გარდა, რომლებსაც 2 კვირაში ერთხელ თანამშრომელთა ტესტირების ვალდებლება დაემატა, სპეციალური სამოქმედო გეგმებითაც მოუწევთ ხელმძღვანელობა. ახალი გეგმით, ბავშვების სხვადასხვა ჯგუფი ერთმანეთისგან გაიმიჯნება და მათი ერთმანეთთან შეხვედრა, როგორც შიდა, ასევე ღია სივრცეებში აიკრძალება. ამასთან, კერძო ბაგა-ბაღები ხმარებიდან ხსნარებით ძნელად დასამუშავებელ სათამაშოებსაც ამოიღებენ. კერძოდ, საუბარია ე.წ. რბილ სათამაშოებზე.

პავლე ქალიაშვილის თქმით, კერძო ბაგა-ბაღებში ბავშვების რაოდენობა ჯამურად დაახლოებით 25%-ითაა შემცირებული.

„ბავშვების მოყვანასთან დაკავშირებით მოთხოვნა აქამდეც გვქონდა. რადგან სამსახურების გახსნის შემდეგ, ყველას დასჭირდა ბავშვის დამტოვებელი. არ გეტყვით იმას, რომ როგორც კორონა ვირსამდე იყო ისეთი მობილობა იქნება, თუმცა ბავშვების რაოდენობა, ინფრასტრუქტურის მიხედვით, თითო ჯგუფში 10-15 ბავშვამდე იქნება,“ - ამბობს პავლე ქალიაშვილი.

შეგახსენებთ, რომ საკოორდინაციო საბჭოს გადაწყვეტილებით ხვალიდან ქვეყანაში შეზღუდვების ნაწილი იხსნება. კერძო და საჯარო ბაღები საქმიანობას 1-ელი მარტიდან აღადგენენ.