შეზღუდვები მსუბუქდება - რომელი სექტორი როდიდან იხსნება

საქართველოში კორონავირუსის პანდემიის გამო დაწესებული შეზღუდვების ნაწილი იხსნება. საქართველოს პრემიერ-მინისტრმა ირაკლი ღარიბაშვილმა, უწყებათაშორისი საკოორდინაციო საბჭოს სხდომის დასრულების შემდეგ შეზღუდვების ეტაპობრივი შემსუბუქების გეგმა წარადგინა. 

25 თებერვლიდან

• იხსნება სამთო-სათხილამურო კურორტები
• მუშაობას იწყებს საქალაქთაშორისო ტრანსპორტი.

1 მარტიდან

• კერძო და საჯარო ბაღები საქმიანობას აღადგენენ
• უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ.
• მუზეუმები და ბიბლიოთეკები მუშაობას განაახლებენ
• ბათუმში რესტორნებს სტუმრების მიღება შეეძლებათ შიდა სივრცეში (შაბათ-კვირის გარდა);
  შესაძლებელი იქნება კონფერენციებისა და ტრენინგების ჩატარება.
• ქვეყნების ჩამონათვალი, რომლებიდანაც საქართველოში შემოსვლას გამარტივებული წესებით შეძლებენგაფართოვდა. საჰაერო საზღვრის გავლით „პისიარ“ ტესტის ნეგატიური პასუხით, 1 -ელი მარტიდან ემატება სომხეთი, აზერბაიჯანი, უკრაინა, ყაზახეთი, რუსეთი, ბელარუსი.

8 მარტიდან

• სავაჭრო მოლებისთვის შაბათ-კვირის შეზღუდვა  მოიხსნება
• მთელი საქართველოს მასშტაბით რესტორნებს სტუმრების მიღება შეეძლებათ შიდა სივრცეში (შაბათ-კვირის გარდა);
• ამუშავდება სამთ-სათხილამურო კურორტებზე საბაგიროები.

15 მარტიდან

• აუდიტორიებში სასწავლო პროცესი აღდგება.
• განახლდება სასკოლო წრეები.
• სპორტული დარბაზები ფუნქციონირებას შეძლებენ.
• თეატრები, სპორტული კლუბები, პროფესიული ანსამბლები რეპეტიციებს და ვარჯიშს განაახლებენ.

1 აპრილიდან

• თეატრალურ წარმოდგენებზე და სპორტულ შეჯიბრებებზე მაყურებელები დასწრებას შეძლებენ.

შეგახსენებთ, ეპიდემიოლოგიური მდგომარეობის  გამო, საქართველოში შეზღუდვები 28 ნოემბრიდან მოქმედებს. ძალაში რჩება კომენდანტის საათი, რომელიც 21:00 საათიდან 05:00 საათამდე მოქმედებს.