"არ შეიძლება ერთი ხელით ოჯახში საკვები მიგქონდეს და მეორეთი წამლავდე, არალოგიკურია"
მოცურების ჯაჭვები ან ზამთრის საბურავები განსაზღვრულ ზონებში ზამთარში სავალდებულო ხდება და მათ გარეშე მოძრაობაზე ადმინისტრაციული პასუხისმგებლობა დაწესდება.
როგორც "გრინლაით კონსალტინგის" დამფუძნებელი დავით მესხიშვილი გადაცემა "ბიზნესი რუსთავი 2-თან“ აცხადებს, აღნიშნული ცვლილება საჭიროა საპატრულო პოლიციისათვის, რათა იმ ავტომობილებისათვის შემაკავებელი ბერკეტი ჰქონდეთ, რომლებიც მოყინულ ადგილებში ზაფხულის საბურავებით გადაწყვეტენ შესვლას.
რეგულაციაზე საუბრისას, მესხიშვილი აღნიშნავს, რომ ნებისმიერი ცვლილებისას, საჭიროა საზოგადოებისთვის საინფორმაციო კამპანიების დაგეგმვა, რომელიც ცნობიერების ამაღლებაზე იქნება გათვლილი, რადგან საზოგადოების ინფორმირებულობა აღსრულების პროცესს უფრო ეფექტიანს გახდის.
"ზოგადად, ნებისმიერი რეგულაციის შემთხვევაში, ადამიანებს უნდა ავუხსნათ, რომ ერთი ხელით ოჯახში საკვები მიგქონდეს და მეორე ხელით ოჯახს წამლავდე, ამაში ლოგიკა არ არის.
ამჟამად, 4 ქალაქში 10 ეკიპაჟი მოძრაობს, რომელიც კანონის აღსრულებას განახორციელებს. რა თქმა უნდა, აღნიშნული რაოდენობა საკმარისი არ იქნება, ამიტომაა საჭირო საინფორმაციო კამპანიების დაგეგმვა.
ამასთან, არსებობს ტექნოლოგიები, რომლის საშუალებითაც ავტომობილების უკონტაქტო მონიტორინგია შესაძლებელი." -აცხადებს მესხიშვილი.
როგორც "გრინლაით კონსალტინგის" დამფუძნებელი განმარტავს, ადამიანები ხშირად ტექინსპეტირებისათვის ერთჯერად მანიპულაციებს ახორციელებენ ხოლმე, თუმცა მას შემდეგ რაც აღნიშნული ცვლილებები ძალაში შევა და ავტომფლობელს ეცოდინება, რომ გზაში გააჩერებენ, ამ შემთხვევაში ერთჯერადი მანიპულაციები ძალას დაკარგავს.
ცნობისთვის, ადმინისტრაციულ სამართალდარღვევათა კოდექსში დაგეგმილი ცვლილებების განხილვა პარლამენტში 2023 წლის საშემოდგომო სესიაზეა დაგეგმილი. რეგულაციის მიზანი, როგორც ინიციატორი ამბობს, გზის ცალკეულ მონაკვეთებზე მოძრაობის შეფერხების თავიდან არიდება და სატრანსპორტო შემთხვევების რაოდენობის შემცირებაა.
