ანტიგენის სწრაფი ტესტი შესაძლოა სააფთიაქო ქსელშიც იყოს ხელმისაწვდომი - ამირან გამყრელიძე
დაავადებათა კონტროლის ეროვნული ცენტრის გენერალური დირექტორი არ გამორიცხავს, რომ ანტიგენის სწრაფი ტესტი სააფთიაქო ქსელშიც იყოს ხელმისაწვდომი.
ამირან გამყრელიძის განმარტებით, ასეთი გადაწყვეტილება მხოლოდ იმ შემთხვევაში იქნება მიღებული თუ არსებული ამბულატორიების რესურსი აღარ იქნება საკმარისი ტესტების ჩასატარებლად.
„არ არის გამორიცხული ანტიგენის სწრაფი ტესტი სააფთიქო ქსელშიც იყოს ხელმისაწვდომი. თუ ვნახავთ, რომ ორმოცი დაწესებულება არ ჰყოფნის, რიგებია და მოთხოვნილება დიდია, შესაძლოა, ეს ვარიანტიც განხილული იქნეს, მაგრამ არა ყველა აფთიაქში. ეს შეიძლება დავუშვათ მხოლოდ იმ აფთიაქში, სადაც შესაძლებელი იქნება შესაბამისი სივრცის გამოყოფა.
თუმცა, ჩვენ ვზრდით იმ ამბულატორიული დაწესებულებების რაოდენობას,რომლებიც აკეთებენ ანტიგენის ტესტებს. საერთო ჯამში, თბილისში 120-მდე ამბულატორიული დაწესებულებაა. მათგან 40-ს აქვს ხელშეკრულება დაავადებათა კონტროლის ცენტრთან,რომელიც აძლევს მათ ტესტებს და შემდეგ უხდის ფულს თითოეული ტესტების ჩატარებაში.ვფიქრობ, გაიზრდება ამბოლატორიული დაწესებულებების რიცხვი, რომლებიც შესაბამის კონტრაქტს გააფორმებენ. თუ ძალიან მასობრივი ტესტირება დაგჭირდება, შესაძლოა, ყველაფერზე ვიფიქროთ.“-განაცხადა ამირან გამყრელიძემ.
