"ანდიო ლენდს" სულ უფრო მეტი ვიზიტორი სტუმრობს
თბილისის ზოოპარკის ტერიტორიაზე მოწყობილ მულტიფუნქციურ სივრცეს - „ანდიო ლენდს“ სულ უფრო მეტი ვიზიტორი სტუმრობს.
როგორც „ანდიო ლენდის“ თანადამფუძნებელმა ილიკო თვალიაშვილმა „ბიზნესპარტნიორთან“ განაცხადა, ბოლო ერთი თვის განმავლობაში პარკში ვიზიტორების რაოდენობა საგრძნობლად მზარდია და ამ ფონზე, სამომავლოდ, სივრცეში განსაკუთრებული საჭიროებების მქონე ბავშვის დასაქმებაც იგეგმება.
„სულ სამი თვეა გავიხსენით. პირველ თვეებში დიდი აქტივობა არ გვქონია, რადგან ხალხი დასასვენებლად იყო წასული, თუმცა ბოლო პერიოდში სულ უფრო მეტი პატარა გვსტუმრობს. სივრცე მოწონებას მშობელებშიც იმსახურებს და გვპირდებიან, რომ აუცილებლად გვესტუმრებიან კიდევ,“ - აცხადებს ილიკო თვალიაშვილი.
როგორც „ბიზნესპარტნიორთან“ ბავშვების მშობლებმა განუცხადეს,მსგავსი სივრცის არსებობა ბავშვების განვითარებისთვის ძალიან მნიშვნელოვანია.
„ყველა ბავშვი უნდა თამაშობდეს და მათთვის არ უნდა იყოს შეზღუდული გარემო, რომ იმოძრაონ, გაერთონ,ერთმანეთში ურთიერთობა ჰქონდეთ. ეს, როგორც სოციალური უნარების განვითარებისთვის არის ძალიან მნიშვნელოვანი, ასევე მოტორული უნარების განსავითარებლად. ეს ყველაფერი კი ამ სივრცეში იგრძნობა.
როგორც ვიცი, "ანდიო ლენდს" კიდევ ბევრი ატრაქციონი უნდა შეემატოს. ვისურვებდი, რომ ასეთი სივრცეები მომრავლდეს,“ - განაცხადა მშობელმა, მაკუნა გოჩიაშვილმა.
შეგახსენებთ, რომ „ანდიო ლენდი“ 16 სახის საქანელას, გონების სავარჯიშო თამაშობებს (ანბანი; ფაზლები), ბურთების აუზსა და სხვა ატრაქციონებს აერთიანებს.
