საზოგადოება
05/08/2020
5 კვ.მ-ზე ერთი ბავშვი - კერძო ბაღები ჯანდაცვის სამინისტროს აკრიტიკებენ
კერძო ბაღების ასოციაცია შესაბამის უწყებებს რეკომენდაციების შემუშავების დაჩქარებისკენ მოუწოდებს.
კერძო ბაღები, რომლებიც პანდემიის გამო დაიხურნენ, აცხადებენ, რომ დიდი ზარალი მიადგათ და გახსნის ნებართვას ითხოვენ. თუმცა, მანამდე ასოციაცია ჯანდაცვის სამინისტროს პროტოკოლის სამუშაო ვერსიას აკრიტიკებს.
ორგანიზაციის განმარტებით, 5 კვ.მ-ზე ერთი ბავშვის დაშვება კერძო ბაღების დიდ ნაწილს გააკოტრებს. კერძო სექტორის შეთავაზებაა, რომ 2 კვ.მ-ზე გახდეს ერთი ბავშვის დაშვება შესაძლებელი. კერძო ბაღების წარმომადგენლები არც მომსახურების გაძვირებას გამორიცხავენ.
გაერთიანებაში ამტკიცებენ, რომ პროტოკოლის სამუშაო ვერსიაში გაწერილი რეკომენდაციები დამატებითი დანახარჯების გაწევას საჭიროებს, რაც არსებული ფასების შენარჩუნების საშუალებას არ იძლევა.
