საზოგადოება
31/10/2020
17:00 საათისთვის, საქართველოში ამომრჩევლის აქტივობა 45.77%-ზეა
ცენტრალური საარჩევნო კომისიის მონაცემებით, 17:00 საათისთვის ამომრჩევლის აქტივობამ ქვეყანაში 45.77% შეადგინა.
ამ დროისთვის ხმა 1 607 530 ამომრჩეველმა მისცა.
ყველაზე მაღალი აქტივობით რაჭა-ლეჩხუმი და სვანეთში გამოირჩევა, სადაც აქტივობა 57%-ს აჭარბებს, ყველაზე დაბალი მაჩვენებელი 42% ქვემო ქართლშია.
ცესკო-ში საარჩევნო პროცესის მიმდინარეობასთან დაკავშირებით აცხადებენ, რომ დაპირისპირება პოლიტიკური სუბიექტების მხარდამჭერებს შორის საარჩევნო უბნების გარეთ ფიქსირდება და გარკვეულწილად უბნის შიგნით მიმდინარე პროცესებზე ზეგავლენის რისკს შეიცავს.
კომისია პოლიტიკურ სუბიექტებს სიმშვიდის დაცვისკენ მოუწოდებს.
