შავი ზღვის გაზის პროექტი რუმინეთს $22 მლრდ-ს მოუტანს

გაზის ახალი პროექტი, რომელიც წარმოებაში 2027 წლისთვის შევა, რუმინეთის დაახლოებით 22 მილიარდი დოლარის შემოსავალს მოუტანს. ამის შესახებ ნავთობისა და გაზის კომპანიის OMV Petrom-ის აღმასრულებელი დირექტორი კრისტინა ვერჩერე აცხადებს.

ხანგძლივი ლოდინის შემდეგ OMV Petrom-მა და მისმა პარტნიორმა Romgaz-მა პროექტ Neptune Deep-ის განვითარების შესახებ შეთანხმებას მიაღწიეს.

პროექტი გულისხმობს შავი ზღვის სანაპიროზე, დაახლოებით 100 მილიარდი კუბური მეტრის გაზის მოპოვებას.

OMV Petrom-ის აღმასრულებელი დირექტორის განცხადებით, პროექტი გააძლიერებს რუმინეთის ეკონომიკურ ზრდას და ენერგეტიკულ უსაფრთხოებას.

„საბოლოო საინვესტიციო გადაწყვეტილება მიღებულია და ჩვენ ვიწყებთ Neptune Deep პროექტს, რომელიც რუმინეთის ენერგეტიკული სექტორისთვის სრულიად ახალი ეტაპი იქნება. ეს რუმინეთში პირველი და უდიდესი ღრმაწყლოვანი პროექტია. გაზის სავარაუდო გამომუშავება დაახლოებით 30-ჯერ აღემატება წლიურ მოთხოვნას დაახლოებით 4.3 მილიონი ოჯახისთვის. პროექტის სიცოცხლის განმავლობაში რუმინეთის მოსალოდნელი შემოსავალი 22 მილიარდი აშშ დოლარი იქნება“ - განაცხადა კრისტინა ვერჩერემ.

Romgaz-ის აღმასრულებელმა დირექტორმა კი ჟურნალისტებს განუცხადა, რომ რუმინეთი შეიძლება გახდეს ენერგიის ექსპორტიორი მეზობელ ქვეყნებში, მათ შორის მოლდოვაში.

ავსტრიული OMV Petrom-ის შესაფებით, პროექტზე მუშაობა 4,36 მილიარდი აშშ დოლარი დაჯდება, რაც ორ კომპანიაზე თანაბრად გაიყოფა. ინვესტიცის უმეტესი ნაწილი 2024-2026 წლებში დაიხარჯება.