Micron Technology ჩიპების საწარმოებისთვის ფედერალურ სუბსიდიებს ითხოვს
Micron Technology აცხადებს, რომ ფედერალური დაფინანსება და საინვესტიციო საგადასახადო კრედიტები სჭირდება, რათა ბოისში, აიდაჰოში და ნიუ-იორკში მეხსიერების ჩიპების წარმოების ობიექტები განავითაროს.
ჩიპების მწარმოებელის ცნობით, მან აშშ-ის ვაჭრობის დეპარტამენტში CHIPS Act-ის ფარგლებში, დაფინანსებისთვის განაცხადები წარადგინა.
აშშ-ის CHIPS Act-ი მიზნად ისახავს გაუმჯობესდეს მიწოდების ჯაჭვების დივერსიფიკაცია, რათა ქვეყნის ტექნოლოგიური სექტორი ნაკლებად იყოს დამოკიდებული ჩინეთზე. კანონპროექტი, რომელსაც პრეზიდენტმა ჯო ბაიდენმა მოაწერა ხელი, აშშ-ს ნახევარგამტარების წარმოებისა და კვლევისთვის 52,7 მილიარდი დოლარის სუბსიდიას ითვალისწინებს.
Micron-მა გასული წლის სექტემბერში განაცხადა, რომ 2032 წლამდე დაახლოებით, 15 მილიარდი დოლარის ინვესტიციას განახორციელებს აიდაჰოში მდებარე ობიექტში, რაც შექმნის 17,000 სამუშაო ადგილს 2030 წლისთვის.
ერთი თვის შემდეგ კი, კომპანიამ 100 მილიარდი დოლარის საინვესტიციო გეგმების შესახებ განაცხადა. საინვესტიციო პერიოდი მომდევნო ორ ათწლეულს მოიცავს და გულისხმობს ნიუ-იორკში მსოფლიოში ყველაზე დიდი ნახევარგამტარების წარმოების ობიექტის აშენებას.
