Meta ათასობით სამუშაო ადგილის შემცირებას გეგმავს

Meta Platforms Inc მიმდინარე კვირაში ათასობით სამუშაო ადგილს შეამცირებს. კორპორაცია თანამდებობიდან გათავისუფლების ახალი რაუნდის შესახებ იტყობინება.

მხოლოდ რამდენიმე თვეა გასული მას შემდეგ, რაც Facebook-ის მფლობელმა კომპანიამ 11 000-ზე მეტი ადამიანი გაათავისუფლა.

კომპანიაში სამუშაო ადგილების შემცირების ახალი ტალღას „ფინანსურ მიზნებს“ უკავშირებენ და დამატებით დეტალებზე არ საუბრობენ.

Meta-ს რეორგანიზაციისა და კადრების შემცირების გეგმების შესახებ გასულ თვეში გაავრცელა ინფორმაცია გამოცემა Washington Post-მა. ორგანიზაციის სპიკერმა ენდი სტოუნმა მაშინ თქვა, რომ აღმასრულებელი დირექტორი მარკ ცუკერბერგი მართლაც საჭიროდ მიიჩნევდა დამატებით შემცირებას.

Meta-მ მასობრივი გათავისუფლება ნოემბერში დაიწყო და 11 000-ზე მეტი სამუშაო ადგილი გააუქმა. ეს კომპანიის ისტორიაში ყველაზე დიდი შემცირება იყო.

აღსანიშნავია, რომ ათასობით სამუშაო ადგილი შეამცირეს სხვა ტექნოლოგიურმა კომპანიებმაც, მათ შორის Google-ის მშობელმა Alphabet Inc-მა და Microsoft Corp-მა.